Celoteh Bang Sem: "Do'a Buat Sahabat"

Kamis, 1 Juli 2021 15:30 WIB

Share

Do'a buat Sahabat

Bang Sèm

Gak kayak biasanye. Rebo malem di ujung bulan Juni yang masih basah diguyur ujan efek anomali cuaca, abis solat Isya' Bang Sudja keliatan khusyu' berdo'a. Sejumlah nama temen kedengeran die sebut-sebut. Mpok Iyah, mengaminkan.

Abis ntu, die buru-buru ke ruang kerjanye yang adep-adepan ame ruang keluarga. Die buka laptop, pake kopiah beludru yang dibeliin anaknye. Baju sadariyah yang ngebungkus badannye, pas banget jatohnye di bahu.

Ni malem, Bang Sudja punya acara khusus. Ngaji ame baca do'a berjama'ah ame temen-temennya kalangan kaum Betawi lewat aplikasi zoom meeting.

Sejek pandemi Covid-19 merajalela dan bikin ribet orang sejagad, Bang Sudja emang punya kebiasaan baru ngewujudin prinsip 'jauh di mate deket di ati,'  lewat komunikasi virtual.

Sambil ngelus kumisnye, yang keliatan di layar laptop, die siap-siap gabung, masuk ke virtual room. Mpok Iyah nyamperin, bawain tales goreng dan secangkir kopi yang die giling kendiri.

Abis naro kopi ame tales goreng, Mpok Iyah balik badan.

"Iyah mao ke mane?"

"Ke kamar bang.."

Halaman
1 2 3 4
Berita Terkait
Berita Terkini
Komentar
limit 500 karakter
Berkomentarlah secara bijaksana dan bertanggung jawab. Komentar sepenuhnya menjadi tanggung jawab komentator seperti diatur dalam UU ITE.
Berita Terpopuler